Клавиатура, ктору инсталујете, даваје можность писати на украјинској клавиатуре на всих современных словјанскых језыках користечих кирилицу вкльучајучи србскохрватске акценты над гласными звуками, далье на меджусловјанском и молдавском језыку. Кроме того поддрживаје такоже предреволуцијну ортографију русского језыка и некторе типографичне симболы. Специалне знакы сут доступне или под комбинацијами с клавишем AltGr (правы Alt или CTRL+левы Alt), или с помочју мртвого клавиша (читајте низше).
Клавиатура работаје на операцијных системах Windows XP, Vista, 7, 8 и новејших. По разпакованју архива с клавиатуроју кликните на фајл KBDURMS.exe левым притиском мыши. По законченју инсталације се појави диалог с притиском “Close”, кторым инсталацију затворите. На клавиатуру се прекльучите натискнутјем Alt+Shift или, јестли користите украјинску клавиатуру како основну, натискнутјем CTRL+Shift. Стандардну украјинску клавиатуру можете даже одстранити, затоже тута клавиатура ничто не изменьаје, толико разширјаје можности оригиналној клавиатуры. Дльа одинсталованја кликните на инсталацијны фајл и потом на притиск “Finish”.
Кроме инсталацијного фајла јест в архиву такоже жрловы фајл klc дльа програма Microsoft Keyboard Layout Creator, декујучи кторому можете клавиатуру изменити, јестли хочете.
Основоју клавиатуры јест разширјена украјинска клавиатура СВК.
’ 1 2 3 4 5 6 7 8 9 0 - =
й ц у к е н г ш щ з х ї ґ
ф і в а п р о л д ж є
ґ я ч с м и т ь б ю .
Буква ґ в дольном реду јест подчркнута, затоже клавиш, на котором она јест, не јест на всих клавиатурах. Тутој клавиш буде тако значены и далье.
' ! " № ; % : ? * ( ) _ +
Й Ц У К Е Н Г Ш Щ З Х Ї Ґ
Ф І В А П Р О Л Д Ж Э
Ґ Я Ч С М И Т Ь Б Ю ,
ё а́ ₴ # $ ° < > ~ [ ] — −
ј ` ў ќ ѐ њ ѓ ѕ × ъ \
ѳ ы ¶ ѡ љ ђ џ э
\ © ™ ѝ ћ ѣ « » …
Ё а̀ а̏ § € а̄ а̂ & а̑ { } – ±
Ј Ў Ќ Ѐ Њ Ѓ Ѕ ∙ Ъ |
Ѳ Ы Ѡ Љ Ђ Џ Э
/ ® Ѝ Ћ Ѣ „ “ /
Знакы написане курзивоју сут фактично тзв. комбинујучими диакритичными знаками. Јест их можно дати на каку-небудь букву, буква а јест ту толико како пример. Знакы се пишут по даној букве.
Комбинацијеју AltGr+схифт+спација напишете спацију неделечу линију ( ).
Знак акцента `(AltGr+Ц) служи како тзв. мртвы клавиш. Сам в собе он ничто не делаје, но по јего натискнутју се изменьаје функција некторых клавишев и комбинациј.
Дальше латиничне и кириличне клавиатуры с меджусловјанскыми знаками и не толико најдете ту.
Јестли имајете проблемы, пытанја или мысли, како клавиатуру јешче улепшити, напишите ми, с радостју вам одговорју.
Автор клавиатуры: Roberto Lombino jr.