Клавиатура, ктору инсталујете, јест презначена користникам из Републики (Северној) Македоније, ктори хотет писати на својих клавиатурах меджусловјанским језиком в кирилици без потреби ученја се какого-небуд другого разклада клавиатури. Содрживаје все, что и стандардна македонска клавиатура на системах Windows XP и новејших, но под комбинацијами с правим/десним Алтом (AltGr) сут додане букви меджусловјанској кирилице и такоже всих современних словјанских језиков с кирилским алфабетом. Поддрживаје такоже знаки акцентов, русску предреволуцијну ортографију, молдавску кирилицу и много типографичних симболов.
!ВАЖНО ДОДАНЈЕ! Македонска клавиатура јест својим разкладом букв много сродна с србскоју, но содрживаје некторе практичне типографичне симболи даже без потреби писанја с клавишем AltGr. Тута клавиатура имаје интерпункцијне знаки и симболи размешчене како србска, не како македонска клавиатура из системи Windows 7 и новејших, иначе би било треба при јејном творјенју целком изменити концепцију. Разклад симболов можете видети на образах в фолдеру с клавиатуроју.
Спис доданих букв по поредку клавиатури:
Објасњенје: Всаки знак напишете комбинацијеју даного клавиша с клавишем AltGr, велику букву с клавишами AltGr+Shift.
- AltGr+Љљ = Її (русинска и украјинска буква)
- AltGr+Њњ = Ѣѣ (мекко Е или ЈЕ, буква из меджусловјанској разширјеној кирилице, давнеје чест стандарда)
- AltGr+Ее = Єє (мекко Е или ЈЕ, русинска и украјинска буква, чест стандарда меджусловјанској кирилице)
- AltGr+Тт = Ћћ (србска буква)
- AltGr+Рр = Ээ (белорусска и русска буква)
- AltGr+Ѕѕ = Ўў (белорусска буква)
- AltGr+Уу = Юю (белорусска, булгарска, русинска, русска и украјинска буква)
- AltGr+Ии = Йй (белорусска, булгарска, русинска, русска и украјинска буква)
- AltGr+Оо = Ёё (белорусска, русинска и русска буква)
- AltGr+Аа = Яя (белорусска, булгарска, русинска, русска и украјинска буква)
- AltGr+Дд = Ђђ (србска буква)
- AltGr+Фф = Ґґ (русинска, украјинска и понекогда белорусска буква)
- AltGr+Јј = Ьь (белорусска, булгарска, русинска, русска и украјинска буква)
- AltGr+Зз = Ыы (тврдо И, белорусска, русинска, русска и украјинска буква, чест стандарда меджусловјанској кирилице)
- AltGr+Џџ = Іі (белорусска, русинска и украјинска буква)
Мртве клавише
Тута клавиатура имаје кроме више спомнених доданих букв такоже два тзв. мртве клавише на месту знаков ` и ~, кторе на србској и босенској кирилској клавиатуре не имајут вечши смисл. Мртви клавиш сам в собе ничто не делаје, но когда јего натискнете, даљши написани знак се измени.
Мртви клавиш ` (клавиш налево од номера 1):
Служи к писанју акцентованих букв, кторе могут бити коришчене при писанју на македонском и србском језику с акцентами.
- Ее > Ѐѐ
- Ии > Ѝѝ
- AltGr+Ии > Ӣӣ
- Уу > Ӯӯ
- Жж > Ӂӂ (буква из молдавској кирилице)
Мртви клавиш ~ (Shift+клавиш налево од номера 1):
Служи к писанју додаточних кирилских букв из разширјеној меджусловјанској кирилице, русској предреволуцијној ортографије и молдавској кирилице:
- Ее > Ѧѧ (мали јус, давни носови звук Е)
- AltGr+Ее > Ѥѥ (јотовано Е)
- Уу > Ѫѫ (велики јус, носови звук О/У)
- AltGr+Уу > Ѭѭ (јотовани велики јус, носови звук јо/ју)
- Ии > Ѵѵ (буква ижица из русској предреволуцијној ортографије)
- Оо > Ѡѡ (буква омега, коришчена понекогда в разширјеној меджусловјанској кирилици)
- Аа > Ӑӑ (кратко А, буква из разширјеној меджусловјанској кирилице)
- AltGr+Аа > Ѩѩ (јотовани мали јус, давни носови звук ЈЕ)
- Фф > Ѳѳ (буква фита из русској дореволуцијној ортографије)
- ј (једино мала буква) > ɪ (і без точки, коришчено понекогда в меджусловјанској разширјеној кирилици), велики вариант под AltGr+Shift+џ)
- AltGr+Јј > Ꙓꙓ (буква јотовани јать, коришчена понекогда в меджусловјанској разширјеној кирилици)
Типографичне симболи и акценти
Кроме доданих букв најдете на тутој клавиатуре такоже многе типографичне симболи, из кторих некторе сут автоматично замењане при писанју в текстових едиторах, но не всегда.
типографични апостроф – из причини техничној правиљности јест бил знак ' замењени на знак ’ на клавишу направо/десно од номера 0. Прости апостроф ' јест бил премешчени под комбинацију AltGr+ж.
- AltGr+1 = ‹ (једнократни отворјени французски и русски знак цитације)
- AltGr+Shift+1 = › (једнократни затворјени французски и русски знак цитације)
- AltGr+2 = \ (повратна коса чртка, backslash)
- AltGr+Shift+2 = ́ (србски знак долгого растучего акцента, коришчени такоже напр. в русском језику како знак акцента)
- AltGr+3 = № (номер)
- AltGr+Shift+3 = ̀ (македонски и булгарски знак акцента, в србском језику знак краткого растучего акцента)
- AltGr+4 = € (евро)
- AltGr+Shift+4 = ̏ (србски знак краткого падајучего акцента)
- AltGr+5 = ₴ (украјинска гривна)
- AltGr+Shift+5 = ̄ (србски знак долгого самогласника без акцента)
- AltGr+6 = ′ (знак вуглових минут)
- AltGr+Shift+6 = ̂ (србски генетивни знак)
- AltGr+7 = ″ (знак вуглових секунд)
- AltGr+Shift+7 = ̑ (србски долги падајучи акцент)
- AltGr+8 = [ (лева квадратна затворка)
- AltGr+Shift+8 = { (лева фигурна затворка)
- AltGr+9 = ] (права/десна квадратна затворка)
- AltGr+Shift+9 = } (права/десна фигурна затворка)
- AltGr+0 = ± (плус или минус)
- AltGr+Shift+0 = | (вертикална чртка)
- AltGr+’ = ‰ (промила)
- AltGr++ = ÷ (подељенје)
- AltGr+Shift++ = − (минус)
- AltGr+п = § (параграф)
- AltGr+Shift+п = ¶ (други знак параграфа)
- AltGr+ш = ” (затворјени пољски и англијски знак цитације)
- AltGr+Shift+ш = ’ (затворјени англијски и пољски знак цитације, технично тој исти знак како типографични апостроф)
- AltGr+ѓ = … (три точки)
- AltGr+Shift+ѓ = ° (ступењ)
- AltGr+х = × (умноженје)
- AltGr+Shift+х = ∙ (други знак умноженја)
- AltGr+ч = „ (отворјени македонски знак цитације)
- AltGr+Shift+ч = ‚ (отворјени једнократни македонски знак цитације)
- AltGr+ќ = “ (затворјени македонски знак цитације)
- AltGr+Shift+ќ = ‘ (затворјени једнократни македонски знак цитације)
- AltGr+ж = ' (прости апостроф)
- AltGr+ц = © (авторско право)
- AltGr+м = ™ (тргови знак)
- AltGr+Shift+ц = ₽ (русски рубл)
- AltGr+Shift+м = ® (регистровани тргови знаК)
- AltGr+, = < (менше)
- AltGr+Shift+, = « (отворјени французски и русски знак цитације)
- AltGr+. = > (вече)
- AltGr+Shift+. = » (затворјени французски и русски знак цитације)
- AltGr+- = — (должејша пауза, коришчена такоже в македонском језику)
- AltGr+Shift+- = – (долга пауза, коришчена напр. в србском језику)
- AltGr+спација = спација неделеча линију (знак )
Објасњенје к акцентам:
Акценти се пишут по самогласнику, над кторим требујут бити. Пример: а, потом AltGr+Shift+2 > а́. Акценти могут служити такоже к запису чрногорских букв С́/с́ и З́/з́.
Инсталација
Клавиатура работаје на операцијних системах Windows XP, Vista, 7, 8 и новејших. По разпакованју архива с клавиатуроју кликните на фајл KBDMACMS.exe левим притиском миши. По законченју инсталације се појави диалог с притиском “Close”, кторим инсталацију затворите. На клавиатуру се прекључите из македонској клавиатури натискнутјем CTRL+Shift или, јестли не користите македонску клавиатуру како основну, натискнутјем ALT+Shift. Дља одинсталованја кликните на инсталацијни фајл и потом на притиск “Finish”.
Кроме инсталацијного фајла сут в архиву такоже жрлове фајли klc дља програма Microsoft Keyboard Layout Creator, помољју кторого можете клавиатуру изменити, јестли хочете.
Даљше меджусловјанске и меджународне клавиатури
Даљше латиничне и кириличне клавиатури с меджусловјанскими знаками и не толико најдете ту.
Контакт
Јестли имајете проблеми, питанја или мисли, како клавиатуру јешче улепшити, напишите ми, с радостју вам одговорју.
Автор клавиатури: Roberto Lombino jr.