Dobrodošli na stranicu pražskogo studia internetovogo radia Dupa FM, 2. kanala sěti Tyflonet. V tutom vremeni transmitujemo glavno programy na medžuslovjanskom jezyku, na ktorom jest napisana takože tuta stranica. Najdete tu informacije o najblizšej transmisiji, jej sodržanji i kontaktah.
Radio Dupa FM možete slušati črez tutoj link. Na komputerah s systemami Windows XP i novějšimi jest možno slušati takože v programu TapinRadio (do polja iskanja napišite: Dupa FM). Stream rabotaje bez malogo vsegda.
Nagranje (zvukovy zapis) Slovjanskogo koncerta iz suboty 5. 9. jest uže v arhivu. Termin dalšej transmisije ješče ne jest znany, slědite prošu informacije na stranici.
Pripominajemo, že vsjaku nedělju od 20:00 srednoevropskogo vremene transmituje naš redaktor Michał Dziwisz iz Poljski program „Z archiwum M” („Iz arhiva M“), v ktorom prezentuje različnu muziku (pop, rock, sovremennu muziku slušanu mladymi ljudmi i druge).
Naše medžuslovjanske transmisije sut realizovane pod zaščitoju Slovjanskoj unije, nezavisnogo objedinjenja v Češskoj republikě.
Team redaktorov radia Dupa FM vam želaje prijatno slušanje i čekaje vaše telefonaty i pisma!