Клавиатура, ктору инсталујете, даваје можность писати на клавиатурах QWERTY/QWERTZ на всих соврєменных словјаньскых језыках користечих кирилицу вкључајучи србскохрватьске акценты над гласными звуками, даље на меджусловјаньском и молдавском језыку. Кромє того поддрживаје такоже прєдреволуцијну ортографију русьского језыка и нєкторе типографичне симболы. Специалне знакы сут доступне или под комбинацијами с клавишем AltGr (правы Alt или CTRL+левы Alt), или с помочју мртвого клавиша (читајте низше).
Автором оригиналној клавиатуры јест господ Мартин Чудек, на форуму Словиански знаны како Tellur. В сравњеньју с јеговоју клавиатуроју под названьјем „Всесловѣнска кыриллица“ јест тута верзија дости разширјена и измєњена.
Клавиатура работаје под операцијными системами Windows XP, Vista, 7, 8 и новєјшими. По разпакованьју архива с клавиатуроју кликните на фајл KBDMSKIR.exe левым притиском мыши. По законченьју инсталације се појави диалог с притиском “Close”, кторым инсталацију затворите. На клавиатуру се прєкључите натискненьјем Alt+Shift или, јестли користите србску кириличну клавиатуру с регионализацијеју до Србије како основну, натискненьјем CTRL+Shift, затоже клавиатура се инсталује под србскы језык писаны кирилицеју (Србија). Дља одинсталованьја кликните на инсталацијны фајл и потом на притиск “Finish”.
Кроме инсталацијного фајла јест в архиву такоже жрловы фајл klc дља програма Microsoft Keyboard Layout Creator, декујучи кторому можете клавиатуру изменити, јестли хочете.
є 1 2 3 4 5 6 7 8 9 0 - =
ч ш е р т ы у и о п њ љ ь
а с д ф г х ј к л ; ’
ь з ж ц в б н м , . /
Буква Ь в дољном реду јест подчркнута, затоже клавиш, на ктором она јест, не јест на фызичных клавиатурах. Тутој клавиш буде тако значены и даље.
Є ! @ # $ % ~ & * ( ) _ +
Ч Ш Е Р Т Ы У И О П Њ Љ Ь
А С Д Ф Г Х Ј К Л : …
Ь З Ж Ц В Б Н М < > ?
а̀ а́ ѐ № € щ а̂ ӯ ѝ ї ӣ — −
ъ э ѣ ® ћ ў ю і ё ‰ [ ] §
я џ ђ ґ ѓ × й ќ ` ° ′
§ ѕ „ “ ” " ™ « » \
а̏ а̄ Ѐ ₴ ¤ Щ а̑ Ӯ Ѝ Ї Ӣ – ±
Ъ Э Ѣ ₽ Ћ Ў Ю І Ё © { } ¶
Я Џ Ђ Ґ Ѓ ∙ Й Ќ ÷ ″
¶ Ѕ ‚ ‘ ’ ' ‹ › |
Знакы написане <курсивоју сут фактично тзв. комбинујучими диакритичными знаками. Можно јих дати на каку-небудь букву, буква а јест ту толико како пример. Знакы се пишут по даној букве.
Комбинацијеју AltGr+Shift+спација напишете спацију недєлечу линију ( ).
Знак акцента ` (AltGr+л) служи како тзв. мртвы клавиш. Сам в собє он ничто не дєлаје, но по јеговом натискненьју се измєњаје функција нєкторых клавишев. С јеговоју помочју јест можно написати некторе буквы из старословјаньској или русьској предреволуцијној азбукы (коришчене понєкогда в разширјеној меджусловјаньској кирилици), но такоже друге буквы и симболы.
Даљше латиничне и кириличне клавиатуры с меджусловјаньскыми знаками и не толико најдете ту.
Јестли имајете проблемы, пытаньја или мысли, како клавиатуру јешче улепшити, напишите ми, с радостју вам одговорју.
Автор клавиатуры: Roberto Lombino jr.